صحيفة قوون الرياضية||مهاجم الهلال احمد عادل القمة هلالية واهدافى ستصفق لها المدرجات الحمراء قبل الزرقاء||

برز نجمه بسرعة الصاروخ فكان محل تقدير كافة الرياضيين خاصة الاهلة الشيء الذي جعلهم يسارعون لكسبه وكان لهم ما ارادوا فكان اول الموقعين في كشوفاته.
قوون التقته قبل مواجهات الفريق القادمة فكانت اجاباته علي النحو التالي:

احمد عادل بداية قوية وتراجع سريع تري ما هي الاسباب؟.
اعترف بتراجع مستواي في الفترة الاخيرة لكني اسعي جادا لاستعادة مجدي المفقود الان يملاني الاحساس لتقديم مباريات كبيرة اكون فيها مقاتلا من طراز فريد يهدي الجماهير الوفية اجمل الاهداف ربنا يهون.
اما عن اسباب تدهوري ليس خلافات مع الادارة او الجهاز الفني او حتي اخواني اللاعبين الذين اجد منهم كل احترام وتقدير فقط هي اسباب شخصية زالت اسبابها بحمد الله.
معسكر التصنيع الحربي كيف تجده؟
اضاف قائلا لا شك في انه افضل معسكر اقامه الهلال لتوفر كل اسباب النجاح من خلال الضوابط المشددة التي يضعها رئيس المعسكر الاستاذ القدير امين عبد الوهاب الذي استطاع ان يهيء جوا يزينه الاحساس بالمسؤولية لمعارك الفريق المقبلة يزينها التعاون المثمر بين اللاعبين فقط نتمني ان نهدي للادارة انتصارات تليق بعطائها المستمر لذا توحدت قبلتنا نحو كاس الممتاز وحصد التوالي السادس باقتدار باذن الله وقبل ان ندلف لجزئية اخري من الحديث اود ان اتقدم بالشكر اصالة عن نفسي ونيابة عن اخوتي بالمعسكر للسيد رئيس نادي الهلال لاهتمامه المتعاظم وحرصه علي زيارة المعسكر يوميا وتوفير اجواء من الراحة بالاضافة لمداعبته باسلوبه المميز للاعبين لبث الروح المعنوية العالية لديهم وايضا الشكر اجزله لاعضاء مجلس ادارته الكرام.
استعدادك لمباراة القمة المرتقبة؟؟
اسعي بكل ما اوتيت من قوة واجتهاد لمصالحة جماهير الهلال الوفية باحراز احلي الاهداف لابادلها الوفاء بالعطاء واكون عند حسن ظنها بي.
الا تشعر بالرهبة من لقاء القمة؟؟
رد قائلا الاحساس بمباراة القمة مختلف تماما عن اي مباراة اخري لكنني اكثر شوقا لهز الشباك الحمراء من خلال تهديفة قوية تهتف لها المدرجات الحمراء قبل الزرقاء.
اجدك متفائلا جدا بحصد التوالي السادس؟؟
نعم قلبي يحدثني بانه ازرق اللون ويملاني احساس قوي بانني سارفع كاس الدوري الممتاز عاليا مع اخوتي بالفريق واقول لجماهير الهلال نامي ملء جفونك فنحن قطعنا العهد بان الكاس هدية لك
خروج الهلال من البطولة الافريقية جاء نتيجة لتهاون اللاعبين في اهم المباريات ماذا تقول؟؟
لم نتهاون ابدا اجتهدنا كثيرا لكنها القسمة عاندتنا وحرمتنا من المواصلة فيما ابتسمت للقطن الذي حقق نتيجة لم يتوقعها الكل.
خروجنا كان مؤسفا وموجعا جدا لكن المنافسات القادمات لنا وحدنا.
اخيرا ماذا تقول؟؟
احيي واهنيء قوون الصحيفة المتميزة المتفردة بايقاد الشمعة التاسعة عشرة مزيدا من التفوق والتميز والانفراد وشكرا كثيرا جماهير الهلال لصبرها على في الفترة السابقة وموعدي معها في القمة القادمة القمة الهلالية.

تعليقات الزوار

هنالكـ 43 تعليق

والله انا خايف من المريخاب العندهم ضغط ديل لو كلام روني ده طلع صاح

اخطبوط (نشرت: 05/11/2008 - 08:54)

إنت يا ود عادل داير تعمل التهديفة القوية دي في شباك المعز ولا شنو عشان نهتف ليك فبل ما يهتف ليك الجماع بالسباب والشتم .. الله يدينا الفي مرادنا.

مصطفى حمزة (نشرت: 05/11/2008 - 10:03)

كبير كلامك وكبير مستواك وتمنا ليك مزيد من التقدم

محمد عطاالله -ناس ملواد (نشرت: 05/11/2008 - 13:27)

تشمي قدهة( قدحة)

عبد المنعم المريخابي (نشرت: 05/11/2008 - 13:45)

ربنا يسمع منك... ويايوم 17 ماتسرع تخفف لي نار وجدي.....!!!

ابو محمد (نشرت: 05/11/2008 - 14:49)

انت صدقك انك رونى يااخى شوف ليك شغله غير الكوره انت بتحلم

ADIL ALSHEIKH (نشرت: 05/11/2008 - 15:49)

استغرب في مهاجمة المريخاب الدائمة لنجوم الهلال تقول ما ما شايفين المهرجين بتاعينهم صحي الجمل ما بشوف عوجة رقبتو

Amir Musa (نشرت: 05/11/2008 - 20:28)

والله ضحكتنا وقطعت مصارينا كمان اهداف شنو دي البتحرزها

ودالبقعة (نشرت: 06/11/2008 - 09:30)

يا اخزي انت نسيت انك جابك سفاري للخرطوم 3 يعني غالبه يمسكك والله الكاس تاني الا في التلفزبون

ahmed (نشرت: 06/11/2008 - 14:54)

انت يااحمد عادل قايل نفسك روني المان ولا شنو دا الزعيم الفيفا صنفو86عالميا2عربيا 4افريقيا امشي شوف ليك فريق غير الزعيم

شريعة (نشرت: 07/11/2008 - 04:39)

احمد عادل مهاجم له مستقبل كبير في هلال الملايين بشرط ان لايصيبه الغرور وبالنسبه للهلال نحن كهلالاب يهمنا البطولات الخارجية اكثر من المحلية وارجو من ود الارباب ان يجلب للهلال هداف وحتي و كان من البرازيلواملي في البطولة لعربية.

محمد عيسي نص (نشرت: 06/11/2008 - 18:11)

هو انت لما جيت الهلال كان جبت كم قون 2 ولا 3 ما هلال اداك 8 عملت شنو مه النقر طلعك كان الهلال احسن ليه زهير يا بديل قودين شطب مصيرك فالح فى الكلام وانت ما بتشبه قامة الهلال

مرجان احمد مرجان (نشرت: 06/11/2008 - 23:05)

شكلوا حيجيب قوون في روحو بالغلط اشان كده الجماهير الحمراء حتصفق ليك

Ahmed Mouwia (نشرت: 07/11/2008 - 05:37)

اسمع انت محظوظ لكن شمها قدحة (فقرتنا) عديييل و يا يوم 17 ما تسرع عشان نسوي دوار طمبلاوي الف فيه المعز و الجماعة

الورغناوي (نشرت: 07/11/2008 - 16:01)

ان شاء الله الامل على الله ثم عليكم دايرين نعقد الجماعة ديل

عبدالمنعم عوض (نشرت: 07/11/2008 - 17:56)

نصيحة منى ليك يا احمد عادل ماتشتغل بالمهاترات دى والله العظيم اصعب من الحرب النفسية دى مافى ولأنهم عارفين انكم ما حتتحطموا الا اذا دمروكم نفسيا والهلالاب طول عمرهم كبار بقلوبهم وعقولهم قبل اى شئ . المهم زى ما قالوا ليك اياك والغرور فهو الداء الذى ليس له دواء . وما تشتغلوا بالكلام ده يا اخوان سيدا . وربنا يخلى لينا سيدا ابو محمد.

فاطمة الزهراء (نشرت: 07/11/2008 - 21:27)

والله يا روني الا ترفع ريتشارد بعد برشه طمبل اقال ارفع الممتاز قال

محمد مصطفي نصر /الامارات/دبي (نشرت: 08/11/2008 - 03:19)

احمد عادل ده شايف نفسه ماردونا حيعمل شنو قدام سفاري وسعد عطية ما حيخلو يستلم الكوورة

مريخابي حر (نشرت: 08/11/2008 - 12:39)

يا ابو احميد حقو ماتصرح كتير لانو الممتاز فى يد المريخ الزعيم سيد البلد

MUSTAFA MARGHANI (نشرت: 08/11/2008 - 14:25)

سودانا دايما عالي سير ياسمعة للنجاح طوالي ربنا معاك في كل حطوة وانشاء الله دايما في العلالي

ودعطبرة (نشرت: 08/11/2008 - 14:41)

والله ياروني الكلام البتقول فيه دا نحن شبعنامنه نحن منتظرين فعل داين اهداف في المريخ او اي فريق حتي ولو في التحرير المعيلق

يوسف الطاهرالعربي-المعيلق (نشرت: 09/11/2008 - 08:41)

صحيفة قوون تفتقد الحيادية وهذا أمر مخجل . أليس فس السودان لاعب غير احمد عادل مقايلات معه على طول الخط وهذا افسد اللاعب واكسبه الغرور الذي كان سبباً في تدني مستواه . الحيادية مطلوبة والتجرد الصحفي مطلوب .

يحيى الشيخ ادريس (نشرت: 09/11/2008 - 09:15)

كان غيرك أشطر بالمناسبة دى معناها بالتركى الملح ... ماتفتكروهو شىء كعب وما تنزلوا التعليق ؟؟

هراش (نشرت: 09/11/2008 - 13:20)

ياروني ماتشتغل بالحاقدين ديل الكلام يوم 17/11 بالمقبرة وانشاء الله كفنهم جاهز.وعشمهم في الكاس عشم أبليس في الجنة.لان كاس الممتاز ماركة مسجلة للهلال.

shambati (نشرت: 09/11/2008 - 13:22)

المريخاب ديل مايفرحوا بالقلب دة بس دايرنهم يقولوا الحقيقة في مبارات الامل هل الهدف ده صاح ولة فرحة كضب

abas al dabie (نشرت: 09/11/2008 - 14:34)

انت يااحمد قايل نفسك روني جد جد نسيت نحن عملنا فيك شنو في رابطة امبدة جنوب . قوم لف احسن ليك

بلبوط (نشرت: 09/11/2008 - 14:57)

الشكر كل الشكر لقوون ولما تقدمه من عمل متطور التحية للقائمين عليها . ارسل تحية خاصة لجماهير الهلال والمريخ واتمنى ان يكونوا عند حسن ظن الجميع عشية الليلة المنتظرة وان يكون التشجيع حضاريا يتواكب مع تقدم ونهضة الكرة فى البلاد . تحية خاصة للاخ عماد الطيب ماكوك ادارة الهلال . المحب للهلال العظيم ابو رحاب

حاتم عوض الله محمد وقيع الله (نشرت: 10/11/2008 - 00:56)

ليكم يوم ياهلالاب وما كل مرة تسلم الجرة.بطلوا فصاحةوطولة لسان والكلام في المستطيل الاخضر - وباذن الله النصر حليف العجب ورفاقه ياهلالاااااااااب. بتحلموا بالتوالي السادس ونسيتو التوالي الثامن, ارجعوا للتاريخ لو كنتم ناسيين. وكأني اري لاعبكم المغرور على لسان حاله يقول: يايوم بكرة ماتسرع تخفف لي نار وجدي. مع اعتزاري لصاحبها الرائع متعه الله بالعافية.

يوسف حامد (نشرت: 11/11/2008 - 18:19)

كضاااااااب ساااااى وما حتعمل حاجة مع ناس سفارى ودامر وبلاش توهموا جمهوركم المنطط عينيهو من زمن تعادل القطن للحظة دى وتلعبوا فى الجرايد ويوم 17 ما بعيد واللييييلة طمبل وعجب وميدو وايدو وزهرة جوو وبعد داك جاى كمان وارقو ..

اتبراوى (نشرت: 12/11/2008 - 11:43)

احمد عادل مهاجم من طراز فريد بس نرجو منه عدم الثقة الزائدة وعلية التريث حتي يكون المهاجم الاول في السودان اما عن القمة فكل التوقعات حسب الواقع تقول انها هلالية وربنا يكضرب الشينة لان المريخ لما يكون مستواه متدني بعض الشي دائما يفوز, فكلما ارجو من لاعبي الفرقة الزرقاء ان لايستهينو بالخصم حسب الظروف التي يعيشها لان وقت النزال يختلف عن ماقبل النزال فهيئو انفسكم واعتبرو انكم تنازلون اقوي الفرق الافريقية مثل الاهلي المصري وبعدها ستهدي قلوبنا من خفقانها الزائد .ومبروك التوالي السادس .

محمد عبد الله احمد (نشرت: 12/11/2008 - 12:05)

احمد عادل المشهور بروني قدها وقدود حتشوفو اهداف قي الدلاقين المريخاب الوصيفاب

شرف يسن الهلالابي (نشرت: 12/11/2008 - 15:50)

أنت كبير والهلال كبير والوصيف معروف والماعاجبو يشرب من البحر

عبد الرحمن كبد (نشرت: 13/11/2008 - 11:28)

التحية لك استاد رمضان ولكل العاملين بهذه المؤسسة العملاقة نتمنى مشاهدة عمود المشاغب محمدعبد الماجد فى اليومين القادمين وتصريح نارى للرمح الملتهب على قاقرين وابعاد الاستاذ حسن عمر خليفة من محترفى الهلال هذه الايام الى ان يحمل الازرق كل الكاسات المطروحة فى الساحة وبعدها لكل مقام مقال وشكرا

hussam (نشرت: 13/11/2008 - 15:02)

حاجة تحير الانسان شاهدته مع الهلال فى مباراة زيسكو كان يجلس الى جانبى شيخ هرم يشجع الهلال بعصيبة وغيرةو يطالب بخروج احمد وانا اقول له اصبر احمد بجيب القوون واذ احمد يجسل وكل الاستاذ يامل ويتكلم عن احمد هو القنبلة المنفجرة فى الهلال لاقودين لاغيره احمدبس انا عرف احمد معرفة شخصية زول ملتزم من كل الجوانب الاخلاقية ولكن بسال ليه كل التراجع ده يا احمد انت فى البداية .

kidss.sudan (نشرت: 13/11/2008 - 15:21)

والله الف مبروك للهلال السادسه علي التوالي وبصراحه احمد عادل لخبط المسطبه الجنوبيه سفاري وسعد عطيه اليمسكوا اجمد عادل لكن بسو شنو مع الغزال وكدة وزاد وجدي والله اقول ليكم امسكوا الخشب مبروك يا الارباب اولادك فرسان حوبه وقلوبنا ودعواتنا معاكم

المريود3 (نشرت: 17/11/2008 - 05:19)

الوصيف الضعيف كان عندو لاعب واااحد زي حمودي دا كان شال الكاس المره دي ,,, حاقدين ,,, هـــمد جااااكم

ياسر عثمان محمد الامين ..الرياض (نشرت: 17/11/2008 - 11:41)

امالنا فى الفتى الذهبى رونى وكل دعواتى له بالتوفيق

جمعة عبد الله محمد على (نشرت: 17/11/2008 - 13:50)

يا اخوي الحداث ما سواي وحاتشوفو الويل طمبل جاهز بس اتمني ان تسود الروح الرياضيه وتقدرو تستحملو الهزيمه من العملاق المريخ العظيم

الدكتور (نشرت: 17/11/2008 - 16:16)

موعد المبارة قرب والأعصاب شوية متوترة لكن والله عندي أحساس بنسبة مية المية انو الهلال حا يفوز. يكمن أكون بالغت شوية في النسبة لانو زي ما بقولو الكورة مدورة ,لكن عشقي الأزرق جعلنب أباااااااالغ.

ragheb (نشرت: 17/11/2008 - 19:01)

فعلا رقصنا ليك لاكن رقيصة دة علي جيبتكم انت ولد مين احسن ليك تاني ماتصرح ساي

بيبو (نشرت: 18/11/2008 - 01:41)

إنتهت المبارة وفاز المريخ بالدوري الممتاز وكنت في الإحتياطي ونزلت الملعب عملت شنو ولا حاجة وبالفعل صفقت لك جماهير المريخ عندما كنت في وضع تسلل وتماديت وأدخلت الكرة الشباك ولم تأخذ كرت أصفر هل ياتري هذا ما كنت تقصده، أنت صغير في السن فلا تدفن نفسك ولا يتملكك الغرور حتى لا تنتهي كما أنتهى الذين من قبلك وفقك الله

أبجقادو (نشرت: 19/11/2008 - 14:33)

صفقوا ياااااااااجماعة معاااااااااي علي احلام اليقظة : صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق صفق ولعمري ان صاحب القول لايدري شيئا عن روني ولايشبه قولا وفعلا وشكلا ... وكفي ..

جمال عبد الناصر عوض (الاحمر الوهاج) (نشرت: 19/11/2008 - 08:42)

اولا موضوع كلتشى اذا دله على شى انما يدل على العقليه الاداريه الخاويه اذا الله اراد ان يبتلى انسان يديهو قروش من غير عقل ثانيا والله نحن بعيدين كل البعد عن الرياضه نحن نريد اداره محترفه ولاعب محترف وجمهور محترف وصحافه محترفه حتى نواكب ثالثا موضوع الاحتراف نحن لسه

لايوجد (نشرت: 25/11/2008 - 13:29)

التعليقات المنشورة لا تعبّر إلا عن وجهة نظر أصحابها فقط