صحيفة قوون الرياضية||مهاجم اينمبا الـخطير اتروغو يفضل عرض الهلال على اياكس ويصل الـخرطوم خلال ساعات||

علمت قوون بان اللاعب النيجيري اوتروغو هداف اينمبا قد رفض العرض المقدم له من نادي اياكس كيب تاون الجنوب افريقي ووافق علي

عرض الهلال مجددا من خلال الاتصالات المكثفة التي تمت معه خلال اليومين الماضيين وتسلم التذاكر وسيصل الخرطوم عن طريق الخطوط الاثيوبية خلال الساعات القادمة·
واذا اكتملت صفقة الهلال مع هذا اللاعب سيكون بديلا لكلتشي الذي استغني عنه الهلال·

تعليقات الزوار

هنالكـ 35 تعليق

دا الكلام ولا بلاش ويا حبذا من استعادة القاطرة البشرية قودوين نديبسى من الاهلى السعودى وبراحة شوية يااخوانا على الكابتن كليتشى

ودالزين الفاشر (نشرت: 20/11/2008 - 10:05)

انشاء الله يكون خير للهلال ويجب على ادارة الهلال ان تترك المجاملات وتستغنى عن كل اللاعبين الذين تقدم بهم السن واصبحوا عالة على الهلال

محمد يس دفع الله (نشرت: 20/11/2008 - 10:03)

تاني انسحاب ! دوري خرطوم شنو البلعب فيهو الهلال ! كمان انت ما تبالغ يارئيس الهلال ادعموا الفريق بلاعبين جيدين وما شرط اجانب في محليين ممتازين كلفوا الهلالاب في الولايات يرشحوا ليكم ومحتاجين مدرب اوربي خبره بس ما دايرين قرارات متهوره كفايه الجهجه الاتجهجها الفريق طوال الموسم الفريق منسحب .. لا الفريق مجمد .. لا الفريق ح يلعب في دوري الخرطوم كفايه

هلالابي جداً (نشرت: 20/11/2008 - 09:48)

نحن بقينا فى حيرة من امرنا لا قادرين نصدق مجلس اسياد البلد ولا قون اصدقونا القول

ود ابوحسيس (نشرت: 20/11/2008 - 08:45)

لا حول ولا قوة الا بالله لا زال الهلال يكرر نفس اخطاء الماضي ولم يتعلم منها هاهو من جديد يكرر خطاء فقدان قودوين والان الدور على كلتشي مع من سيلعب المهاجم النيجيري في المقدمة مع احمد عادل ام افياني ام مع مانديلا بالله عليكم كيف تحكمون هل هولاء جديرون ان يلعبوا في مقدمة الهلال بالله لاكفاية مجاملات على حساب الفريق وتاكدوا ان الهلال لو خسر كلتشي فلن تقوم له قائمة خاصة اذا انضم للمريخ او احد الفرق المصرية وكفاية تفريط وتخبط اداري فالهلال لايملك اليوم مهاجم صريح سوى كلتشي ام تريدون نهاية الهلال

محمد ريحان-امدرمان الحتانة (نشرت: 20/11/2008 - 08:45)

بعدالحصل لكلتشي وقودوين مافي لاعب نيجيري تاني حيلعب في الةلال

عقرب (نشرت: 20/11/2008 - 08:37)

والله حراااااااااام عليكم الراجل ما قصر معاكم تقوموا تبقوا شماعة .. والغريبة هو هداف الفريق للآن؟؟؟ أدفع يا ارباب بطل جلدنة وتشوهوا صوره المسكين ده .. عفواً كلتشي مكانك المريخ ورئيسك جمال والوالي

مدنـــــــــــي (نشرت: 20/11/2008 - 06:03)

يا ريت يجي أوترغو ( نمرة 15 ) نذكر جيداً يوم كورة الهلال وأنيميا بالخرطوم كيف تمني كل من كان بجوارنا أستبدال هذا اللاعب بعد أن ملء الملعب نشاطاً وأتعب الجماهير قبل اللاعبين وإن شاء الله يتم المراد ويتعاقد الهلال معه

عاشق الموج الأزرق (نشرت: 20/11/2008 - 05:56)

الهلال العواجيز بكل صراحة محتاجين الى ثلاثة مدافعين وثلاثة لاعبى وسط واثنين طرف شمال ويمين ومهاجمين كدت اسهو حارس مارمى ولا اقول محتاج الى فريق كامل فى حد عندو شك (اوتروغو شنو انتو محتاجين الى اوتروغاااااات مريخابى على السكين اكيد مش حتقدروا تنشروا هذا التعليق متاكد مائه بالمائه

معتصم (نشرت: 20/11/2008 - 10:38)

أيوه كده يا سيد البلد تجديد الدماء واجب وخاصة المحترفين الذين إتعلمو الـ بووووع ب25 ملي.... من جهة معروفه بذلك ,,, عموماً مبروك للهلال وأرجو ألا يكون ذلك من باب التخدير ,, لأننتا ما محتاجين ليهو زي الجماعه الطيبين عينَا ملانة وبطنَ شبعانة ,, أبو عصايه جاكم

ياسر عثمان محمد الامين ..الرياض (نشرت: 20/11/2008 - 10:56)

أولاً هاردلك لكل هلالي أصيل وفقد الممتاز بالنسبة لنا فقد غالي لأننا تعودنا عليه وتعود علينا بدون فعل فاعل ونقول للوصيفاب مبروك عليكم وان شاء الله ما تتهنوا بيه لأنه العام القادم باذن الله سيعود لدياره طائعاً مختاراً اذا لم يتدخل سيحة ورفاقه فالظلم ظلمات يوم القيامة . ثانياً بالنسبة للاعب اتروغو فلو حدث وانضم للهلال فلا شك أنه سيكون اضافة حقيقية لهجوم الهلال لما يتمتع به من بنية جسمانية مهولة قلما تتوفر في لاعبي الكرة دعواتنا الصادقات باكتمال الصفقة .

anas alsheikh (نشرت: 20/11/2008 - 11:23)

اسلوب امتصاص الصدمات لدى الجمهور بمثل هذه الاخبار يؤدي الى مالايحمد عقباه

osman (نشرت: 20/11/2008 - 12:46)

انا هلالابي ولاكين بعد السوهو معا كلاتشي يبغا اهبل لو خلا اياكس عشان الهلال

محمد عطاالله - - - ناس ملواد (نشرت: 20/11/2008 - 13:03)

بعد التحيه والله أصبحنا لانعرف نصدق مين ونكذب مين وهذا الفرق بين الوالى والأرباب وبخصوص كلتشى إذا كان دا تعاملنا مع إى محترف مابتعاقدو معنا محترفين .والإنسحاب مرفوض تماما وهو سبب هذه النكسه وتشتيت أذهان اللاعبين رفقا بالهلال ايها الأرباب

حذيفه / الشارقه (نشرت: 20/11/2008 - 13:12)

اتمنى من الله ان يوفق الهلال في صفقه اوتورقو ولكن الاولى هو محاولة اعادة قودوين...

د.محمد الطيب جبارة (نشرت: 20/11/2008 - 13:25)

نقاطع قون ذى ماقاطعنا الصدى تعليقنا ليس به مايخدش

حذيفه / الشارقه (نشرت: 20/11/2008 - 13:27)

ان شاء الله مايكون كلام جرائد

الفيل (نشرت: 20/11/2008 - 13:31)

السادة الاعزاء فى صحيفة قوون الشاملة تحية طيبة لقد اختلط علينا الامر ماذا نصدق الصحف ام الاذاعات ام رئيس نادى الهلال وهل كل مايحدث فى الساحة الرياضية حقيقة ام خيال هل كل هذا بسبب فقدان بطولة الدورى الممتاز وهل هذا بجديد على كرة القدم . لا بل كل هذا يحدث فى عالم المجنونة التى تسمى كرة القدم فالندع مجلس ادارة النادى يعمل لمصلحة القريق فى صمت وانشاء الله لن يحدث لسيد البلد اى مكروه.عاطف محمد عبد المنعم من مواطنى الدامر شركة بحر العرب.

عاطف محمد عبد المنعم (نشرت: 20/11/2008 - 13:51)

خطوة جميلة جدا" يامجلس الهلال بس المسلسل دا ماطول شوية

FATH ELRAHMAN ABO ELGASIM (نشرت: 20/11/2008 - 13:54)

يا صلاح إدريس الحمد لله الهلال بخير بس عاوزين تركيز في التسجيلات علي الهجوم والدفاع ممكن الدفاع يكونوا محليين والهجوم يا حبذا لو كان أتوروغو وموبوتو

عباس عثمان التوم (نشرت: 20/11/2008 - 14:02)

ان شاء الله مايكون ماسورة زى افيانى واخوانه.

محمد الامين كمال (نشرت: 20/11/2008 - 14:05)

نحن مع خيار واترغو لابد من تجديد الدماء وهو لاعب مؤهل للمرحلة القادمة ولامجال للأنتقاص من قدر صلاح ادريس فهو قد أبلي بلاء حسنا وقدم للهلال الكثير المثير الخطر وكل من يتحدث بغير ذلك هو ضد مصلحة الهلال وبالتالي ضد مصلحة الوطن والهلال أبو الوطنية ..ويلا بلا مزايدات ..رفعت القلام وجفت الصحف.

جادالله أحمد النضيف (نشرت: 20/11/2008 - 14:27)

والله نقول بالتوفيق للهلال وللاعب ذاتو واعلق لمشكلة كلتشي انه طلع خائن

محمد امير (نشرت: 20/11/2008 - 14:48)

بطلو كزب يعني نشو الممتاز مشلناهو تسعه مرت اهم حاجه في الاعلام عدم الكزب اورقوا بتا كسوكم خليكم واضحين مع جمهر الهلا الحبيب

дор (نشرت: 20/11/2008 - 15:46)

لكى يرجع سيد البلد لابد لصلاح ادريس الذى دمر الهلال ان يبتعد وكفاك يادخيل على الهلال وعلى الامة الهلالية لانو صلاح ادريس نكرة بالنسبة للهلال وحل مشكلة الهلال فى اقالة هذا المدعو واسالو ابناء الهلال الاوفياء وفقكم الله

عبدالله ابوظبى (نشرت: 20/11/2008 - 16:00)

يا إخواننا ناس قوون نحن هلالاب على السكين لكن معقولة يفضل عقد الهلال على أياكس دى معقولة بس مع إحترامنا الشديد جداً لعاشق الملايين هلالنا العظيم بس فسروها لينا كيف؟ ورجائى ألا ترمى بهذه الرسالة لسلة المهملات إحترامنا لآراءنا وإثباتاً لعظمة صحيفتنا الأولى قوووووووووون .

وائل / المملكة العربية السعودية (نشرت: 20/11/2008 - 18:06)

ياعالم اذا جاء اتروغو مع القناص كلتشي سيشكون ثناية خطرة كلتشي ماتفرطوا فيه ياعالم ياعلوووووووووووم

abdoaliamad (نشرت: 20/11/2008 - 18:12)

هذا قرار صائب ونتمني ان يكون ايضا في بديل لافياني ولاعب دفاع مهم ايضا ونتمني عدم المجاملة وهذا الاختيار يكون من مدرب اجنبي (ابو اعناب)

mohmedali (نشرت: 20/11/2008 - 18:24)

والله بقينا مابنصدق اي كلام طرفو صلاح ادريس لانو باختصار بيشتغل للدعايه اكتر من التنفيذ والدليل علي كده وين مابوتو (هلالابي داير يطق )

الكردفاني (نشرت: 20/11/2008 - 21:40)

يا جماعه والله محنا شبعنا من الكلام الساى ... كل يوم الهلال يفاوض ... الهلال يسجل .. ومافى اى شى جديد اهو ده كليتشى طار وقبليه قودوين ولسه والله انا خايف بكره هيثم مصطفى يمشى كمان ... ماهو ده الناقص ... غايتو اداره زى دى عمرها ما مرت على الهلال ادارة كلام ومشاكل ودت الهلا فى ستين داهيه .. الله يجازى الكان السبب .. والله انا من يوم الكوره ما نمت كويس ممغووووووووووووووووووووووس

هلالابى ممغوس (نشرت: 20/11/2008 - 21:50)

بكره جمال الوالى يسمع الكلام ده يمشى يدفع ليهو يخزنو فى نادى ولا يدفع ليهو يقول ليهو خليك فى ناديك لكن ما تجى الهلال

هلالابى (نشرت: 21/11/2008 - 00:51)

اولا مبروك للهلال اوتورغو ولكن وين الحسن كيتا لاعب الاتحاد السعودي ولا كان كلام جرايد نرجوا من صلاح ادريس الجدية في اختيار لاعبين الهجوم

عبد الله محمود (نشرت: 21/11/2008 - 01:14)

مستحيل يخلي ايكس حتى لو بربع دولار

محمد عطاالله -------ناس ملواد (نشرت: 21/11/2008 - 01:16)

معقوله اخلي اياكس عشان الهلال الا اياكس الهندي اسجل للهلال ممكن اياكس حقيقه الهلال مســــــــــــتحيل كفايه تخدير

cabaca_bs (نشرت: 21/11/2008 - 02:23)

اياكس جنوب افريقيا ياجماعةالخير ماتسرعوا والعنوان ناقص للاثارة

مرتضي (نشرت: 21/11/2008 - 05:33)

التعليقات المنشورة لا تعبّر إلا عن وجهة نظر أصحابها فقط