صحيفة قوون الرياضية||الديبة ينقذ مشجعا مريخيا من غضبة جماهير الهلال||

قامت جماهير الهلال بمطاردة مشجع مريخي بمدرجات الاستاد امس في مران الفريق مساء امس وحاولت الفتك به بعد ان قام باستفزازها

واثارتها وحاول الهروب منها واحتمي بالمدرب الديبة الذي انقذه من غضبة الجماهير وهدأ من ثورتها تجاه المشجع المريخي الذي رفع علم الهلال معلنا هلاليته حفاظا على صحته وروحه·

تعليقات الزوار

هنالكـ 18 تعليق

اولاً اتمنى ان تكون روحكم رياضيه وتنشروا هذا الرأي الشخصي الاوهو انكم كهلالاب اثبتم انكم غير جديرين بممارسة رياضة كرة القدم ادارياً وإعلامياً وجماهيراً,والسؤال لماذا تعتقدون انكم تستطيعون ان تغيروا الحائق كما هي في الواقع المريخي بنظرية ( تبخيس الناس اشيائهم انا من المتابعين الجيدين الذين يمكنهم ان يصلوا بعد المتابعة الجيدة لمثل هذه النتيجة, هل الهلال افضل من المريخ حتى يكون تتويجه بالممتاز غير مستحق ؟ وهل الممتاز هو حكراً للهلال ؟ وهل جمهور المريخ عاجز عن ممارسة قانون الغاب ؟ مالكم كيف تحكمون.

عمر منقوري (نشرت: 20/11/2008 - 07:53)

كلام كذب وافتراء يا ناس قوون الموت على سبيل المريخ زى الشهاده والموت على الحق افضل ان اموت والله اعمل ولا اكون من ناس ابوالهل يا بياعين الوهم لمتين تخدروا فى جمهوركم الوفى والى متى ستظل هذه الاستفزازات ادامكم الله بالصحة يا جمهورة الهلال واعانكم على كتابكم الما بخجلوا يخدروكم حتى ينسوكم جرح ناس العارضة حنوب اذهبوا يكتاب الهلال فانتم الطلقاااااااء

ود تكساس (نشرت: 20/11/2008 - 07:20)

والله لكن دايماً ضعاف حتى على مستوى الأفراد ,,, رفع علم الهلال معلناً إستسلامه للكبار وأسياد البلد كما رفعها الوصيف ولمدة خمسة سنوات متتالية حتى تخدرت يداه من التعب ,,,والله لكن بعد الضيق فرج و المره دي كان ما شالو المريخ كان الوالي مشى لأنو قال لي الأرباب كان ما شالوهو جاييك في الهــــلال ,,, ولدنا أزانا ,,, لكن والله أمسخ كاس بالتعادل ومساعدة جهات معروفة ,,,

ياسر عثمان محمد الامين ..الرياض (نشرت: 20/11/2008 - 10:44)

عليكم الله ما بتخجلو يا ناس قووون هسه دا خبر تجيبوهوا وفرحانيين بيهو كمان سبحان الله

منتصر الامين (نشرت: 20/11/2008 - 11:19)

ma golto nuba.

Sukkar (نشرت: 20/11/2008 - 12:05)

عليكم الله يا ناس قون القارئ مالو و مالهذه السخافات علي المدرجات بكرة تعالوا قولوا لينا في اثنين اتشكلوا في المدرجات و في واحد اكل تسالي و في واحد نام خلال المباراة عليكم الله ارتقوا شوية و شوفوا العالم صحافتو ماشة كيف . و ناقشوا الاشياء التي تطور كرتنا يا ناس قون . طبيعي جدا ان نري شغب الملاعب بدا يظهر لان هذه صحافتناالتي تشبه ونسة القهاوي قال 19 سنة قال

المهندس (نشرت: 20/11/2008 - 12:53)

شكرااااا الديبه على الروح الجميله

محمد عطاالله - - - ناس ملواد (نشرت: 20/11/2008 - 13:10)

يا ناس قوون هو اصله الحكاية اية المريخ يكسب في ناس كسبوه -الهلال يخسر في ناس عملوا علي خسارته- دا الفشل بعينه ان ترمي اخفاقك علي الاخرين وبعدين تعالوا هنا الهلال والمريخ الفاليقين الناس بالمهاترات الصبيانية يا صحفاة الإثارة والشحن والبغضاء وصلوا بينا الي وين؟اياها المحلية دي! انا مدوام علي الإطلاع علي مجموعة الصحف الرياضية ولو كنت املك القرار كنت حرمت صحافةالصبيان دي من الصدور والله حاحة تجب القرف .......

alkabadi (نشرت: 20/11/2008 - 13:19)

الاخ الكريم الرياضة قيم وتسامح لكن هل هو جمهور الهلال الوحيد الذي يتفعل والششواهد كثيره واخرها الاعتداء علي ذلك الطفل البري الذي اتي للمطار للاحتفال مع جمهور الصفوه لاستقبال فريقها للمطار غير ممن مات وهو ضيفا علينا

تاج السر محمد عبد السلام /ابوعثمان (نشرت: 20/11/2008 - 13:43)

whey he went there he deserved

HELILABY (نشرت: 20/11/2008 - 13:44)

اولا يا مريخاب ما قايلكم خوافين كده ثانيا عرفتو المدربين كيف ولا بلاش

محمد امير (نشرت: 20/11/2008 - 14:52)

في عهد الجاليه وفي بداية الاسلام كان كل من يعلن اسلامه يعذب حتي يكفر علي ما اذكر عذب احد الصحابة شديدا حتي ارتد و لكن عندما وجد الفرصة مرة ثانية رجع الي الاسلام . يعني اذا كان قد رفع علم الهلال ليس انه اصبح هلالابي وانما اراد بذلك الحيلة و انت كنت غير متاكد اسالوه الان فستري ماذا يقول لك و ايضا اسالوه من اخذ الدوري مؤخرا فماذا يقول في معظم الشركات اذا كان موظفيها كسولين تنهار الشركة كذلك في الصحف اذا كان صحفيها كسولين تكون اخبارهم كما سبق خالد عثمان ابراهيم

جبرة (نشرت: 20/11/2008 - 15:25)

والله ما اقول الا كم انت كبيرة يا جريدة قوون يعني كان بامكانك ماتنشري التعايق اللي اتكتبت فيكي لكن بتاخدي الناس على قدر عقلهم والله بالجد انت كبيرة وتستاهلي اكتر مبيعات على مدى الدهر وكونو انك بتكبي لي فريق كبير وسيد البلد دي براها كفاية وماتشتغلي بالناس ديل الصغير دايما قليل ادب

مهند احمد عبدالوهاب (نشرت: 20/11/2008 - 18:48)

من حق اي مشجع ان يفرح بفريقه لاكن جماهير الهلال لاتتحمل اي خساره واقول لهم الممتاز ده تاني تشموه قدحه..... محمد عوض (الدويم)

محمد عوض الفكي عمر (نشرت: 20/11/2008 - 22:06)

كثيرين يرون ان الكرة السودانية اصبحت متطورة ولكن اظن ان تطورها محدود خاصة علي مستوي النتائج اذ يكفي هزائم المريخ من فرق مغموره في الكونفدرالية والهلال في الابطال في هذا العام وهزائم المنتخب الوطني في غانا بنفس اللاعبين ومساعدين المدرب ويجب ان يعلم الجميع ان النصر لا ياتي بالمال وحده. استغرب لاندية تمثل وطنها في مناسبات قارية وتفرح وتحزن لمنافسة محليه اكثر من احساسها عند النصر والهزيمة في منافسات قارية......والله غريبه

fair play (نشرت: 20/11/2008 - 23:17)

يا سلام يا الهلال أخلاقك دايمن حميدة _ وبجد في ناس دايرين أخربو سمعة الهلال وصحيفة قــــــوون لأنهم الأتنين أكثر شعبية ويحظوا بحب كل سوداني وعربي _

عاشق سيدا (نشرت: 21/11/2008 - 00:05)

الديبه كان يخيهم يقتلوهو مدام كسرو الكراسي

محمد عطاالله - - - ناس ملواد (نشرت: 21/11/2008 - 01:18)

طبعا جمهور الهلال جمهور متعصب ..ليس كل الجمهور ولكن اغلبه من قبل قتل مشجع مريخي لمجرد فرحه وذلك بالحاج يوسف اما ان تدخل لاستاد الهلال عزيزي عاشق الصفوه :فانت هالك لا محاله حتى ولو سفير النوايا....!! اخوك لماذا لا يذهب هذا المشجع الى قلعه المريخ الشامخه والبهيه وناديه الكبييير لماذا لا يذهب ويحتفل مع اخوته اسياد البلد وكاسات الجو وابطال الممتاز غلطان المشجع المريخي ..لدخوله معقل الاهله بل واستفزازهم بخصوص ضياع كاسهم الوحيد والمحلي (الممتاز) شيكو السوداني

شيكو السوداني (نشرت: 21/11/2008 - 03:47)

التعليقات المنشورة لا تعبّر إلا عن وجهة نظر أصحابها فقط