Test

وان طال السفر

محمد عبدالماجد

الفيفا ما قاعدين نعرف ليها حاجة؟

لدكتور كمال شداد في كل صراعاته مع السلطة وزارة الشباب والرياضة والمفوضية لم يلجأ الى (الفيفا)
ما تبقى (الفيفا) حاجة بخوفوا بيها (السلطة) عندما تتعرض مصالح خاصة لبعض الاشخاص للزوال والانتهاء
الفيفا ما قدرت تحمي بلاتر وبلاتيني بكل تاريخه ..معقولة بس تحمي ناس مجدي شمس الدين ومعتصم واسامة عطا المنان
الاحداث الاخيرة اكدت ان الموضوع خربان من كباره – وان الفساد ضرب قيادات عليّا في الاتحاد الدولى لكورة القدم
 
 

تاني ما أسمع لي واحد فيكم بتكلم عن (الانضباط)

أنتوا الصينيين بتاعين (الفكس) ديل بتجيبوهم من وين ؟..عشان تقعدوا تتصوروا لينا معاهم
مجلس المريخ الذي فشل في ملف (الاستثمار) جاء وفشل بامتياز كامل في ملف (الانضباط)
عنكبة في المريخ ما قاعدين نشوف ليه أي شيء غير (الرقيص) مع كوفي بعد أن يسجل الآخر هدفاً للمريخ
مضى على مجلس المريخ المُعين (40) يوماً ..وتبقى لهم أقل من خمسة أشهر مع ذلك ملف الاستثمار لا حس ولا خبر
 
 

مباراة هلال كادوقلي والمريخ من الأسبوع الرابع إلى رابعة العيد

    الأسابيع الخمسة الأولى للدوري الممتاز ..يمكن أن يحسم الهلال من خلالهم بإذن اللـه وتوفيقه بطولة الممتاز.
    ناس المريخ من الأسابيع الخمسة الأولى ممكن نقول ليهم شوفوا ليكم شغلة تانية.
    إن شاء اللـه يعملوا ليهم حملة تبرع بالدم.
    نحن ما عندنا معاهم شغلة.
    بي طريقتهم.
    احسبوها بالنقاط …سوف تجدوا أن محصلة الفوز بهذه المباريات يقودنا إن شاء اللـه للقب الدوري الممتاز.

ما تقولوا لينا شخصية كبيرة تدخلت.. (الأمم المتحدة) ما بترفع منهم الإيقاف

    بمناسبة (الشخصية الكبيرة) دي.
    قالوا ليك في واحد أول مرة ينزل الخرطوم.
    جديد لنج.
    بيقهي ليك في شارع الستين ساعة ونص.
    عاجباه (اللافتات).
    صاحبكم دا …مشى ليه (مطعم)…هبش قريشاتو لقاها ما بتجيب ليه غير (طلب بوش).
    قال يضرب بوش ويتمها (موية).
    طلب ليه بوش وظبطو ليك.
    ما خلى ليه حاجة.

ما قدروا على المول والنادي الاجتماعي والفندق قالوا يعملوها (انضباط)

تصوروا ليهم مع (صينيين) في شارع (عبيد ختم) وقالوا لينا ديل ناس (الشركة الصينية)
 
 
مدة المجلس المعين (6) شهور ..والآن يوشك ان يمضى من فترتهم (شهر) ، (طوبة) واحدة قدام نادي المريخ ما نزلوها
 
 
لو عاوزين تتقشفوا (11) عضو ممكن يقوموا بهذا (التقشف)..والله  موضوع (التقشف) دا ما عاوز ليه (28) عضو
 
 
الجماعة ديل ما تموا ليهم تلاتة اسابيع في المريخ …عاوزين يوقفوا بكري المدينة وعلاءالدين يوسف

يعملها مصعب وعطرون ..يوقفوا بكري المدينة وفييرا

 
ينظرون للقادم من الهلال كأنه قادم من كوكب آخر – المشكلة في (المريخ) وليس في اللاعبين
 
الهلال قادر على أن يجعل اللاعب الذي جاء له من المريخ واحد مننا، بينما لا يستطيع المريخ أن يفعل ذلك مع القادمين من الهلال
 
لم أشاهد لاعباً أكثر انضباطاً والتزاماً وسلوكاً واحترافية في ملاعبنا السودانية في الفترة الأخيرة أكثر احترافية من نصر الدين الشغيل
 

بقوا (28) عضو – شهر إلّا شوية

    في الوقت الذي انتهج فيه مجلس المريخ المعين سياسة (التقشف) اعلن وزير الرياضة بولاية الخرطوم اليسع الصديق إضافة عضوين جديدين لمجلس إدارة نادي المريخ واشار القرار ان العضوين المضافين هما احمد يوسف ابوزيد وعبد الرحمن مدلك.
 
    يا صلاة النبي!!.
    كورة الهلال لو انتهت تلاتة كان اضافوا (تلاتة).
    الحمدلله انتهت (اتنين).
    وزير الشباب والرياضة لو استمر بهذه الصورة …الخطة الاسكانية القادمة يمكن ان تدخل ضمن اعضاء المجلس.

نا بخاف من شيبو(ب) يطلع لي شيبو(لا) ..

انتصارات الهلال على المريخ (3) اضعاف انتصار المريخ على الهلال حيث انتصر الهلال في (18) لقاء مقابل ست انتصارات فقط للمريخ
.........................................................
مشاركة شيبولا في المباراة غير قانونية – اللاعب قبل 7 سنوات ضرب ليه (حكم) بونية في حفلة في مدينة لاغوس
.........................................................
رصدت كاميرات المراقبة الصحافي الكبير بابكر سلك وهو يمتنع عن تناول (السحور) ليلة المباراة
.........................................................

انا بخاف من شيبو(ب) يطلع لي شيبو(لا)

انتصارات الهلال على المريخ (3) اضعاف انتصار المريخ على الهلال حيث انتصر الهلال في (18) لقاء مقابل ست انتصارات فقط للمريخ
"""""""""""""""""""""""""""
مشاركة شيبولا في المباراة غير قانونية – اللاعب قبل 7 سنوات ضرب ليه (حكم) بونية في حفلة في مدينة لاغوس

الفرق بقى (7) نقاط دي عاوزه ليها (سيكافا) مستعجلة شديد

 واضح جداً …أن مصعب عمر ملخبط في (الامساك).
عندو مشكلة في الحتة دي.
زولكم دا كل يوم بقرأ في الجرايد أن (الامساك) الساعة أربعة و59 دقيقة …البخليه يعمل (الامساك) الساعة حداشر وعشر دقائق شنو؟.
معقولة الموضوع دا ما وقع ليه، عشان يقعد يلخبط لينا كدا.
مصعب عمر أول ما شاف عزيز شيبولا عمل ليه (امساك) من الساعة حداشر وعشر دقائق.
في (امساك) الساعة حداشر يا ناس.
مالكم أنتوا عاوزين تعملوا لينا مشاكل مع سيد اللبن.
سيد اللبن الدخلو في الموضوع دا شنو؟.