وان طال السفر

الجزولي سجل وذهب لجماهير الهلال ليعود (الود) بينه وبين الجمهور بعد أن كان مفقوداً فترة كبيرة
"""""""""""""""""""""""
الثعلب في كل تمريرة وهدف يسجله يؤكد أنه (ثعلب) وقد أثبت لنا ذلك في مباراة الأمس بالورقة والقلم
"""""""""""""""""""""""""""

برهان تية المدرب المحترم عندما كان يتسعد فريقه للمريخ كان برتب في أوراقه من أجل السفر مع المريخ إلى الجزائر

مريخ نيالا الذي قدم أجمل العروض وحقق انتصارات داوية في منافسة الممتاز ظهر أمس كالحمل الوديع أمام المريخ

زول ماسك المريخ الابن ..بصمتو تظهر في المريخ الأب ..دي ما سمعنا بيها قبل كدا

صحافتنا الرياضية وقت تكون عاوزة ترفع ليها قيمة مدرب ..من الأسبوع التاني من إشرافه على الفريق بتكتب وتقول بصمته ظهرت في الفريق

ناس الهلال زمان (الكورنر) بجيبو منو (قون)...هسع (ضربة الجزاء) بقت منهم تطير

الزول الكان بيلبس (عمة) بقى حايم في المناسبات بي (طاقية) بس – الحالة بقت صعبة اتعكست في (الملابس)

كمان نحن عندنا جمارك ..الواحد لو دخل الخرطوم دي شايل ليه (موبايل)..يضربوا تلاتة تمانيات عشان يشوفوا رصيدو كم؟

زمان التلاجة بي كل بساطة وفي السخانة دي بتطلع منها (لوح تلج) ..هسع لو بقيت (مهندس تبريد) ما بتطلع منها (كباية موية باردة)

• في البدء كان اسمه (نور المحاسن) – اسمو كان كدا.

ما في فرحة بقت في (الانتصار) – للاسف الشديد الفرحة في الكورة السودانية بقت في (الهزائم)

البشوف الهلالاب بيسخروا من المريخ ..بفتكر الهلال دا طلع من البطولة الافريقية دعما للقضية الفلسطينية

الموسم الماضي في نفس الوقت ...الاتحاد اوقف بث مباريات الدوري الممتاز تلفزيونيا..وفي نفس الوقت رجع البث

بنقيف في (العداد) ..نشوف الكهربة باقى فيها كم؟...دي بقى تصرف طبيعي – تلقائي كدا – الواحد بيعملو من غير ما يشعر

نحن بعد ما طلعنا من البطولة الافريقية قبلنا على (جوهرتنا)...انتوا بعد ما تطلعوا ح تقبلوا على وين؟

فريق المريخ الحالي هو (جزيرة الفيل) معدل...مع احترامي الشديد والكبير لفريق جزيرة الفيل

اذا كان الهلال بتاريخه كله ح يلعب في سيكافا – عاوزين انتوا بي (علي جعفر) تلعبوا في المجموعات

اما امير كمال ..لو شافو (غلطتو) دي اشرف الكاردينال اسبوع تاني ما بقعد ليكم في الكشف

مازالت مجالس الادارة في الاندية الرياضية تعمل بـ (علي الطلاق) ، وتمضى بنظرية وضع العربة امام الحصان

الكتابة عند خسارة الهلال تأتي (سادة) هكذا – لأن الفرحة تغيب ..والحزن يغطي حتى (صبارة) الموية الباردة

اي خطأ من الكاردينال يحسب علينا جميعا ..لأن الكاردينال جاء للهلال عبر صناديق الاقتراع ولم يدخل نادي الهلال بـ (دبابة)

لا نريد من الكاردينال (جوهرة زرقاء) ولا كشافات (مشعة)..نريد منه فقط ان يتحمل مسؤوليته ، ليرجع الشارع الهلالي لدعمه ومساندته

التمرد الذي قاده جمال سالم واعلن فيه العصيان ..وقال يا قروشي يا المعز محجوب قام به عدد من اللاعبين في المريخ

علاءالدين يوسف شغال مع المريخ هذا الموسم (مقاولات)...يلعب مباراة ويشكي (7) مباريات من الاصابة

فى ظل هذا (التمرد) المريخ بدلا من ان يذهب الى (الدوحة) او يذهب الى (نيفاشا) او (ابوجا) ذهب الى (القاهرة)

وفاق سطيف لو لقى المعز محجوب واقف في حراسة المرمى ..الاقوان البتدخل في شباك المريخ ح تكون اعلى من دخل المباراة

مكسيم لو كان بيلعب في برشلونة ..رونالدو (ضربات الجزاء) ما يحلم يسجل منها – الموضوع دا بالنسبة لينا محسوم

والـله نحن لو عارفين (الجوهرة الزرقاء) بتعمل فينا كدا..كان (طوبة) ما بنخلى الكاردينال يعملها

زمان وقت كان جمال الوالي رئيس لنادي المريخ – أي بطولة نطلع منها بنلقى المريخ طلع قبالنا

لا بد من أن يكون مجلس الهلال لجنة (إسعافية)..يقابل والي الخرطوم..أو يقابلوا الوزير عشان يرجعوا لينا جمال الوالي للمريخ

عندنا (سقف) (غرفة) وقت تجيب ليه سيرة المطرة – بقعد ليك في الواطة..تقول عندو خالة في حكومة الولاية

وقت الهلال يتغلب ...(شايب الهارتي) بتشوفو (دو)..(العريس) بتشوفو زي الزول البوزع في الحاجة الباردة

ناس المريخ الخروج من دور الـ (32) عندهم زي الخروج من (الحوش)..نحن الموضوع باقى لينا غريب

لمن الهلال يكون مغلوب اتوقع اي حاجة..الشارع لو ما فيه (كلب)..يطلع ليك فيه (كلب) وسعران كمان

وانا زي بشوفك مرة (7).
ومرة (91).
ومرة تبقى لي رهاب – رهاب ..وانتي واقفة قدامي.