Test

وان طال السفر

محمد عبدالماجد

تشربوا قهوة وإلا تشوفوا هدف اتوقووون

المريخاب ديل حيرونا.

يا زول المريخاب ذنبهم شنو؟.

عندنا زول في الحلة ...عامل فيها مفتح ...(عيونو) متل (البنابر) المجدعة في الحوش.

أي (بنبر) في حتة.

زي الميدان الما فيهو (عراضات).

الزول المفتح دا بمشي الصباح للجزار..بقول ليهو اعمل لي (ربع كيلو لحمة).

ما عاوز أي (عضم) فيهو.

انتوا يا الجزارين الواحد يقول ليكم (لحمة) تدوهو (عضم).

اسمها (لحمة).

اعمل لي ربع (صافي).

زول شليق قلت ليكم.

صاحبكم بشيل (الربع) ويمشي البيت.

كل مرة بقيف ..يفتح الربع عشان يراجع (اللحمة).

زوجتو بتلاقي في خشم الباب ..وتقول ليهو : (اوعك يكون الجزار غشاك ..اداك اللحمة كلها عضام). المزيد »

اتوقوووووووووووووووون

} معروف ..واي زول في الدنيا عارف (الهزائم) التي ألحقها فريق (سيمبا) بالمريخ.
 
} دس حكاية قديمة.
 
} من زمن (الباسطة) احلى حاجة في الدنيا.
 
} في بطولة (سيكافية) سابقة نظمها فريق المريخ بالخرطوم ..كان فريق سيمبا قد انتصر على المريخ في ملعبه ووسط جمهوره بهدف نظيف.
 
} انكروها.
 
} قام جمهور سيكافا (الصفوة) اعترض وفلع ...وجدع ..والمباراة لم تكتمل.
 

حضرنا) ...ولم نجدكم

< لما يكون ما عندكم موضوع.

< وما عندك (رصيد).

< تلاقي ليك زول في (الشارع).

< تشبهو.

< يشبهك.

< حكاية (الشبه) دا طبعا بنتج من عدم الموضوع.

< الزول يوقفك ..او توقفو ...ما فارق.

< المهم بتحاول تشوف ليك حوار داخلي.

< الايامات دي أي زول بتكلم ليك عن (الانفصال).

< الفاهم شيء ...والما فاهم.

< أي زول بتكلم عن (الانفصال).

< والبترول ...وسيخ المريخ.

< واهدافهم العكسية.

< تصوروا مدافعين المريخ سجلوا في شباك الحضري ..اكتر من الاهداف التي سجلها هجوم الاندية التي بارت المريخ.

< وارقص ..ارقص يا حضري.

< الاعلام السالب من يمسك ليهو في حاجة (بكجها). المزيد »

نهارك (سعيد) يا حضري

< اتاريها الحكاية بايظة من كبارها.
 
< مباريات (السلم والثعبان).
 
< دا حق طمبل.
 
< الفريق كلو بقي هدافين.
 
< نحن ساكت كنا قايمين على (مصعب عمر).
 
< بننتقد في الولد ساكت.
 
< الولد طلع ما غلطان.
 
< غلطان المرحوم.
 
< سعيد السعودي كابتن الفريق سجل في شبكتو هدف عكسي.

احسن هجوم في بطولة سيكافا ..(دفاع المريخ)

 
 
 
تسجيلات الهلال الاخيرة من دون شك شكلت اضافة كبيرة للفريق ، وهي سوف تظهر فوائدها مستقبلا ان شاءالله وسنحصد نواتجها في البطولات التي يشارك فيها الهلال ..المحلية والافريقية.
 
انتوا يا مريخاب بلوا رأسكم ..وشوفوا (سيكافاتكم) وين؟.
 
الباشا بعد (سيكافا)..إلا يلعب ليكم في (نيل الحصاحيصا).
 
باقي الكورة المشي بيها من الهلال (فكت).
 

سيكافا..بطولة بدل الفاقد

< المريخ دا كل ما يفشل ليهو في بطولة ...والجمهور يزعل ...جمال الوالي بقول لي ناس العجب خلاص ما تزعلوا.
 
< بعمل ليكم حاجة حلوة.
 
< الجماعة بقولوا ليهو : ما تعمل لينا طابق تاني.
 
< قديمة.
 
< نحن الطابق التاني نعمل بيهو شنو مع (اتوبونجات) الهلال الجديدة دي.
 
< غايتو يا الباشا البشوف (اتوبونج) يعذرك في البتعمل فيهو في (سيكافا).
 

دفاع المريخ بقي اخطر من هجوم الهلال

< امس قلت نشوف (سيكافا)...مباراة الشباب التزاني والمريخ ...لقيت ليك الحكاية (مشقلبة) شقلبة شديدة.

< ما فهمت أي حاجة.

< الباشا ..بقي اخطر من (اتوبونج).

< مصعب عمر ..اخطر من (سادومبا).

< سعيد السعودي ذاتو عامل فيها (بكري المدينة).

< لكن طبعا بالقلبة.

< مسكين الحضري ...ما عارف يلقاها من منو وإلا منو؟...وإلا منو؟.

< مرة نجم الدين يجيب فيه قون في الدورى الممتاز.

< ومرة الباشا.

< ومرة مصعب عمر. المزيد »

ناس المريخ ماسكهم (ابوالشهيق)

ناس المريخ ديل بقوا يهضربوا.

 

الحضري رفض يرجع من مصر.

 

قالوا خلاص ما في مشكلة ..نمشي نعسكر نحن في مصر ..ونعمل الحيلة (البركان).

 

عاد البركان بحلكم.

 

الدولة الما بتشيلوا رئيسها ..بتجيبوا ليها (بركان).

 

حالتها دي بدون وضوء.

 

يعني قبل ما يسافروا.

 

لو سافروا ما عارف كان ح يحصل شنو؟.

  المزيد »