العربي الكسيح

بالعربي الكسيح- محمد الطيب الأمين
* أهلنا بيقولوا : (الطول نعمة) ..
* والقصر حكمة ..
* يقول ليك : (القصر يا حكمة ويا فتنة) ..
* وأظرف ناس هم الناس القصار ..
* دمهم خفيف جدا ..
* وقالوا في واحد قصير شديد ..
* شدة ما قصير بيفصل (المنديل) عراقي ..
* الزول ده مرة ركب (الأسانسير) ..
* ماشي الطابق العاشر ..
* طبعا أول ما تدخل الأسانسير بتضغط على رقم (الطابق) الأنت ماشي عليهو ..
* لو ماشي الطابق التالت بتضغط على الرقم (3) ، ماشي الطابق السابع بتضغط  على (شلباية) ..

بالعربي الكسيح:محمد الطيب

• (الطبع الشين عدو الخجل) ..

• ما في زول طبعو شين وبخجل ..

• لما تلقي زول ما بخجل طوالى تعرف إنو طبعو شين والعكس صحيح ..

• عشان كده النسوان بيقولن ليك : (الشافع ده ما شافع مرقه) ..

• ما شافع مرقه يعنى (ما ينفع تسوقو معاك مشوار أو زيارة) ..

• بيفضحك ..

• شافع المرقه لما تمشي بيت الناس زيارة بيكون قاعد بأدبو ..

بالعربي الكسيح - محمد الطيب الأمين

• وقوع (البلاء) أفضل من إنتظارو ..

• وقدر جمهور المريخ أن ينتظر (وقوع البلاء) المحدد له اليوم الساعة ( 12 إلا ربع) ..

• مع إنو بأمكان المراكشي أن يلعب المباراة عصرا حتى يعجل وقوع البلاء الأحمر بدلا من هذا السهر ..

• حاجة تكسف ..

• دمج (الشاي مع اللبن) هو في الأصل إختصار للكبابي ..

• زي دمج فاتورة الكهربا (المافي) مع فاتورة الموية (المافي برضو) ..

كتب:محمد الطيب الأمين

• تقديم المصلحة العامة على المصلحة الخاصة يحتاج لنبلاء ويحتاج لنفوس عفيفة وشخصيات معتدلة..

• وواحدة من أكبر مشاكلنا في السودان أننا نقدم الخاص على العام حتى أصبح الخاص في نظرنا هو العام بينما العام سقط عمداً من حساباتنا ..

• ثم أننا في سبيل (ترضية فلان) بنعمل موازنات ..

• والموازنات دي على الصعيد الخاص (بتخدم الأغراض) ولكنها على الصعيد العام تهدم الفكرة والهدف والمقاصد العليا ..

بالعربي الكسيح - محمد الطيب الأمين

• في فترة من فترة حياتنا ، كان الواحد لو عايز يشتري ليهو (قميص جديد) إلا يبيع (جوز من حمام البيت) ..

• وفي الفترة ديك كانت (تربية الحمام) موضة ..

• لو دخل علينا العيد بنبيع (جوز حمام) عشان نشتري (جلابية العيد) ..

• ولو الواحد فينا داخل على علاقة عاطفية جديدة ببيع (فردة حمام) عشان يشتري منديل ورق ..

• ومنديل الورق كان من علامات (التطور والثقافة والحب) ..

بالعربي الكسيح - محمد الطيب الأمين

• في بعض الأحياء بالعاصمة هنالك مفارقات عجيبة ..

• مثلا .. تجد صيوان عزاء (بكا حاااااار) ، وفي نفس الشارع على بعد (1000) متر تجد صيوان مناسبة (فرح حااااااار) ..

• يبتهجون ويرقصون علي أنقاض أحزان جيرانهم ..

• ولذلك قالوا في واحد جا يعزي في وفاة أحد معارفه فوجد بالقرب من صيوان العزاء صيوان فرح ، دخل (شال الفاتحة) على روح المرحوم ، ومرق دخل صيوان الفرح (شال الفاتحة) علي روح (الأخلاق) ..

بالعربي الكسيح - محمد الطيب الأمين

• قالوا : من علامات الجمال عند الرجل (البرادو) ..

• لو انت بتشبه (على كبك) وعندك (برادو) معناها في نظر بعض الناس بتكون أجمل من تامر حسني ..

• ومن علامات التميز عند شرف شيبوب (الرباط الصليبي) ..

• وأنا أكتر (5) حاجات عاجباني في شرف شيبوب (3) هي : (الرباط الصليبي) و(الصليب الرباطي) ..

• واللـه صحي ..

• من قلوبنا بنحب الرباط الصليبي ..

بالعربي الكسيح - محمد الطيب الأمين

• الحزن في العادة يخرج من (بطن أمه) كبيرا ومع الايام يتلاشى رويدا رويدا ..

• والذى يفرق (الحزن) من (الانسان) هو ان الحزن (يُولد كبيرا) بينما الانسان (يُولد صغيرا) وتدور دورة الايام ويكبر الانسان ويصغر الحزن وتبقى ذكريات (الطفولة) قائمة بالنسبة للانسان وبالنسبة للحزن ..

• وبعض الاحزان تظل (طفلة) مهما تراكمت عليها السنوات ، وبعض البشر يظلوا اطفالا مهما بلغوا من العمر ..

• كتب:محمد الطيب الأمين

• (99%) من أبناء الشعب السوداني الفضل يتركون (الزرارة الفوق) فاتحة ..

• نادر جدا تلقي ليك زول (مُزرر) الزرارة الفوق ، والغريبة كل (القُمصان) عندها (زراير فوق) ..

• الزرارة الفوق مخصصة لـ(الكرفتة) وإحنا الكرفتة عندنا زي (البُرجم) بنلبسها مرة في العُمر ..

• البُرجم بيجي للزول مرة في العُمر والكرفتة بنلبسها يوم العرس الذي هو مرة في العُمر ..

• موضوع الزرارة ده ذكرني محترف المريخ (كريم الحسن) ..